Esparcia gitudlong dugang sakop sa kom sa Public Works

MAHIMO nang makapartisipar sa mga pagtuki sa komite sa public works si Konsehal Bernie Esparcia.

Kini human ang konseho sa syudad sa sesyon niadtong Lunes nga gidumala ni Bise Mayor Jocelyn Bebot Rodriguez misagop sa resolusyon nga nagtudlo nila ni Konsehal Esparcia ug Yan Lam Lim isip mga bag-ong sakop sa maong komite.

Ang komite sa public works mao ang gitahasan sa konseho pagtuon, pag-imbistigar ug pagtaho sa tanang butang kalabot sa public works, pagtukod o’ pagmintinar sa kadalanan, kanal, drainage system, waterworks, mga edepisyo, equipment depot ug uban pa.

Mahinumduman nga si Esparcia bisan og dili pa kini regular nga sakop sa komite daan nang gatambong og gasalmot sa mga hisgutan niini.

Ang resolusyon nga gipalabang sa konseho alang sa maong katuyuan gipangamahanan ni Konsehal John Michael Seno, chairman sa komite sa public works. (JRGalano/SP)