Emano napili nga bag-ong sakop sa komite sa Public Utilities

GIUYONAN sa konseho sa syudad atol sa sesyon niadtong Lunes nga gidumala ni Bise Mayor Bebot Rodriguez ang resolosyon nga nagpili ni Konsehal Yvy Emano isip dugang miembro sa komite sa Public Utilities.

Kini human ang konseho mi-amendar sa resolosyon nga naglangkob sa komposisyon sa mga komite.

Mahinumdoman nga ang konseho misagop usab og resolosyon nga naghatag og panugot sa chairman sa mga komite pagdugang sa ilang mga sakop ubos sa kompirmasyon sa tibuok konseho.

Ang resolosyon nga gisagop sa konseho alang sa maong katuyuan gipaluyohan ni Konsehal Romeo Calizo, chairman sa komite sa Public Utilities.