Edipisyo nga adunay 9 ka lawak saringan matukod sa Carmen NHS

DUGANG kalamboan ug kahamogaway sa pagtungha ang gilantaw nga matagamtaman sa kabataan diha sa Barangay Carmen ning syudad.

Kini human gisubhan bag-ohay pa lamang ang tulo ka andanang edipisyo nga adunay siyam ka lawak saringan alang sa Carmen National High School.

Niini, kusganong mipasalamat si Konsehal Suzette Magtajas-Daba, Chairman sa Komite sa Edukasyon, sa administrasyon ni Mayor Klarex Uy uban sa pag-abag sa Department of Education (DepEd) ug sa konseho sa Barangay Carmen sa padayong paglantaw paghatag og kahigayonan nga makakab-ot sa kaarangan sa kinabuhi ang mga kabataan.

Gipasabot sa konsehal nga ang maong edipisyo dako og ikatabang sa mga magtutudlo ug tinun-an kay gawas nga mas mahatag ang de kalidad nga edukasyon, hitsas kini sa facilidad sa pagpangandam sa pagkat-on sa bag-ong teknolohiya.

Dako ang paglaum ni Daba nga mas mosaka ang enrollees sa dapit kay gawas sa kahamogaway sa mga lawak saringan anaa na gyud sa ilang mga tugkaran ang mga tunghaan.