Eco-bricks recycling program gipahinumdum ni Konsehal Goking

SAMTANG kamulo  ang kabarangayan sa dakbayan  sa  implementasyon  sa ‘No Segregation,  No Collection Policy’, si Konsehal George Goking, Chairman sa Komite sa Ways and Means, mipahinumdom  nga  sa iyang ikaduhang  termino,  adunay programa ang dakbayan  nga gitawag  og eco-bricks recycling.

Kini ang reaksyon sa Konsehal sa special report ni Konsehal Malvern Esparcia, sa sesyon sa Konseho niadtong Lunes nga gidumala ni Presiding Officer Pro Tempore Konsehal Romeo Calizo, mahitungod sa problema sa kabarangayan kon asa ipahimutang  ang  natigom nga mga plastic, botelya  ingon man ang namugna nga abuno gikan sa basura kon mapuno na ang mga Material Recovery Facility (MRF).

Mahinumduman nga ang Nestle Philippines Corporation midonar  og eco-bricks facility isip ilang corporate obligation sa dakbayan .

Nasayran  ang og eco-bricks dako og ikatabang  nga makunhoran  ang  basura sa mga  plastics  tungod  kay  i-convert  man kini   ngadtos a  building materials  ug  sa maong paagi  dili na kinahanglan nga  ilabay  pa ang mga plastics.

Hinoon, gipasabot ni Konsehal Goking wala na siyay update sa maong  programa  apan iyang  gitataw nga  dako usab kato og ikatabang  diha sa pagkonserba sa  kinaiyahan.