Dulang Uno Dos padayong tun-an sa komite sa games

PADAYONG tun-an sa Komite sa Games and Amusement ubos ni Konsehal Roger Abaday, ang hangyo sa Uno Dos International Gaming Corp sa pagtukod sa usa ka off-track betting system nga  gitawag og Uno Dos dinhi sa syudad. 

Kini human gipasabot ni Ian Jay Panao, representante sa corporation ang mechanics ug ang gisugyot nga lugar diin matukod ang mga estasyon sa bagong dula diha sa may uptown area, Grand Central ug Barangay Cugman uban sa tinguha nga mausbawan ang kalamboan sa ekonomiya sa syudad. 

Bisan pa man nga ang Games and Amusements Board (GAB) naghatag na og panugot sa pag-operate sa off-track betting system, si Konsehal Abaday mibutyag nga gikinahanglan una ang pag-inspeksyon sa gihisgutan nga mga dapit aron matino kon nahiuyon ba kini sa lokal nga mga balaod ug ang pagrepaso sa gikinahanglang giya sa operasyon, dugang sa konsehal. 

Niini, gitahasan ang maong korporasyon sa pagsumite sa mga giya aron mapahigayon ang pag-inspeksyon  alang sa tukmang rekomendasyon. 

Mitambong sa tigom sila si Konsehal Bernie Esparcia ug Aga Suan.