Dulaang Atenista mihangyo nga ma-exempt pagbayad sa amusement tax

KONSIDERAHON sa Komite sa Ways and Means ni Konsehal George Goking ang sulat hangyo sa Dulaang Atenista nga ma-exempt pagbayad sa amusement tax ang ilang pagpasalida sa drama sa entablado nga giulohan og “Ato Ra Ni, Attorney” nga ipahigayon sa Oktubre 17-19, 2024 diha sa Xavier University Little Theater.

Tumong sa maong drama sa entablado nga makatabang sa mga tinun-an nga mapalambo ug mapasundayag ang ilang talento sa natad sa arte ug kultura.

Malaumon ang maong grupo sa positibong rekomendasyon aron makatabang pagbayad sa ilang mga gasto sama sa pag- instalar sa props, materyales, costumes, ug uban production expenses.