Dugang school bldgs matukod dihas Kauswagan, Camaman-an ES

Gilantaw nga matukod sa umaabot tuig 2023 ang balor P44.1 milyones nga edifisyo alang sa pagtukod og dugang duha ka tunghaan sa syudad.

Kini ang kauban sa mga proyektong nasukip sa giaprobahang 2023 Annual Investment Plan (AIP) sa konseho sa syudad ubos ni Bise Mayor Bebot Rodriguez.

Ang maong mga proyekto nga pundohan ubos sa Special Education Fund (SEF) naglakip sa pagtukod og tulo ka andanang edifisyo nga adunay siyam ka lawak saringan sa Kauswagan Central School (CS) nga mobalor og P15.3 milyones samtang upat ka andanang edifisyo nga adunay 16 ka lawak saringan ang matukod usab sa Camaman-an Elementary School (ES) nga mobalor og P28.8 milyones.

Niini, si Konsehal Suzette Magtajas-Daba, chairman sa komite sa edukasyon, walay puas nga mipasalamat sa administrasyon ni Mayor Klarex Uy sa padayong paghatag og prioridad sa natad sa edukasyon sa tingoha nga mahatagan og mahayag nga kaugmaon ang kabataan sa dakbayan.

Malaumon ang konsehal nga pinaagi sa maong mga proyekto daghang kabataan ang makakab-ot sa ilang mga gidamgong kaugmaon tungod kay gipasayon na sa gobyerno ang ilang pag-eskwela pinaagi sa pag-tukod og mga tung-haan dinha mismo sa ilang mga ba-rangay.