Dugang sakop sa komite sa eduk giuyonan sa konseho

GIUYUNAN sa konseho sa syudad atol sa sesyon niadtong Lunes nga gidumala ni Bise Mayor Bebot Rodriguez ang resolosyon nga nagpili nila ni Konsehal John Michael Seno ug Yvy Emano isip dugang mga sakop sa komite sa edukasyon.

Niini, ang konseho mi-amendar sa Resolosyon No. 14200-2022 nga naglangkob sa komposisyon sa mga komite.

Mahinumdoman nga ang konseho misagop usab og resolosyon nga naghatag og pagtugot sa chairman sa mga komite pagdugang sa ilang mga sakop ubos sa kompirmasyon sa tibouk konseho.

Ang resolosyon nga gisagop sa konseho alang sa maong katuyoan gipaluyohan ni Konsehal Suzette Magtajas-Daba, chairman sa komite sa edukasyon.