Dugang programa sa SK sa Brgy 35 gilantaw

Gihingusgan sa Sangguniang Kabataan sa Barangay 35 nga mapatuman ang mga programa nga maghatag og dugang kaarangan sa kinabuhi sa kabatan-onan sa ilang dapit.

Kini human nadawat sa komite sa Sports and Youth Development ni Konsehal John Michael Seno ang gisumeteng Supplemental Budget No. 1 sa SK sa barangay alang sa dugang pagtuon ug rekomendasyon.

Ang maong budget adunay gibana-banang kinitaan ug galastohan balor P485,241.00.

Lakip sa gihatagan og prayoridad nga mapatuman mao ang programa sa edukasyon ilabina dinha sa pagpakatap sa dugang kahibalo kabahin sa panglawas, active citizenship, pagproteher sa kinaiyahan ug uban pang mga programa nga gitumbok aron sa pag-aghat sa kabatan-onan nga makiglambigit sa mga kalihokan sa kapunungan.