Dugang programa, proyekto sa Brgy No. 19 mapatuman

Hayan mapatuman na sa Barangay No. 19 ang ilang dugang mga programa ug proyekto karong tuiga. Kini human ang konseho sa syudad sa sesyon kagahapon nga gidumala ni Bise Mayor Jocelyn “Bebot” Rodriguez misagop sa resolosyon nga nag-uli sa ordinansa sa barangay diin nasukip ang ilang Supplemental Budget No.1 (SB1) alang sa hingpit nga implementasyon nga adunay gibanabanang kinitaan ug galastohon balor P671,181.00.

Gipunduhan sa barangay sa maong SB1 ang personal services balor P325 mil kapin samtang 345 mil kapin usab ang gigahin alang sa maintenance and other operating expenditures.

Ang resolosyon nga gipalabang sa konseho alang sa nasangpit nga katuyuan gipaluyuhan sa komite sa barangay affairs ni Konsehal Yan Lam Lim ug komite sa pamalaod ni Konsehal Edgar Cabanlas.