Dugang pagtuon sa lakang masolosyonan problema sa parking areas gilaraw

IPAHIGAYON ang dugang pang pagtuon sa lakang paghatag og insentibo ngadto sa mga nanag-iya og bakanteng lote dinha sa commercial district sa syudad nga mopagamit sa ilang lote alang sa free public parking.

Kini human ang komite sa roads and traffic management ni konsehal Romeo Calizo nagtigom sa milabayng adlaw ug nagtuki sa sugyot balaodnon nga giduso ni konsehal Lordan Suan nga maghatag og insentibo pinaagi sa exemption sa pagbayad sa realty taxes ngadto sa mga nanag-iya sa nahisgutang lote.

Sa maong tigom, gipresentar sa City Assessment Department ang 25 ka mga mga bakanteng lote nga posibleng magamit nga parking area dinha sa sentrong bahin sa syudad ingon man sa Cogon Market area.

Kun matugutan, ang mga tag-iya sa bakanteng lote mahimong ma-exempt pagbayad sa ilang uluhisan. Hinuon, si konsehal Eric Salcedo misugyot nga kun gikinahanglang magbayad una sa ilang mga delinkwenteng buluhisan ang mga tag-iya sa dili pa makapahimulos sa gilaraw nga insentibo.

Niini, ang komite gipaabot magtigom sa Marso 31, 2021 alang sa dugang pagtuki sa maong sugyot. (SP)