Dugang lawak saringan sa BNHS padayong gitrabaho

GIKALIPAY ni Konsehal Suzette Magtajas-Daba, Chairman sa Komite sa Edukasyon, ang padayon nga pagtrabaho sa upat ka andanang edifisyo nga adunay 16 ka lawak saringan dinha sa Bulua National High School (BNHS).

Matod sa konsehal nga kon mahuman ang kapin P76 milyones nga proyekto, dako kini og ikatabang sa pagsulbad sa kakulangon sa mga lawak saringan ug mahatagan sa komportableng tunghaan nga hitsas sa pasilidad dili lamang ang kabataan sa Barangay Bulua kundi lakip na ang kasikbit nga dapit.

Nagpasalamat si Daba kang Mayor Klarex Uy sa paghatag kanunay og prayoridad sa natad sa edukasyon sa tinguha nga ang tanang kabataan sa dakbayan matunolan sa de kalidad nga edukasyon aron makaangkon sa hayag nga kaugmaon.