Dugang kalamboan sa sektor sa kabatan-onan sa CDO gilantaw

GIPAABOT tukion sa Komite sa Sports and Youth Development ni Konsehal John Michael Seno ang gisumeteng Supplemental Annual Investment Program (SAIP) No. 1 sa Sangguniang Kabataan (SK) sa Barangay Patag.

Ang maong lakang magdala sa dugang kaayuhan sa kabatan-onan sa maong barangay.

Ang gisumeteng SAIP miagi sa makuting pagsusi sa buhatan sa Oro Youth Development ug sa uban pang departamento sa City Hall sa pagseguro nga nahiuyon kini sa balaod.

Niini, si Seno gipaabot mopatawag og tigom aron hisgutan ang gisumeteng SAIP ug gipaabot nga magdapit sa kadagkoan sa mga hintundang departamento sa City Hall ug mga opisyal sa barangay pagtambong sa ipatawag nga tigom.