DTI andam motabang sa mga negosyante-Konsehal Goking

SI KONSEHAL George S. Goking , chairman sa komite sa Trade and Commerce ug Ways and Means sa konseho midasig sa mga negosyante labina sa food processing nga paghimo og mga produktong HALAL aron kini mahimong ma-export ngadto sa gawas sa nasod.

Kini human ang konsehal nakadawat og impormasyon gikan USEC Abdulgani Macatoman sa Department of Trade and Industry (DTI) nga ilang ahensya andam nga motabang sa mga gagmay ug dagkong negosyante aron nga makabangon kini niining

panahon sa pandemya.

Sumala ni Konsehal Goking nga maong ahensya andam mopaholam og pangkapital sa mga negosyante labina alang sa food processing.

Gipasabot ni Goking nga ang buhatan sa DTI andam usab nga motabang sa pagbaligya sa ilang mga produkto aron matabangan silang molambo.

“Gikinahanglan lang ang pagtinabangay og panaghiusa sa tanan,” pamahayag ni Konsehal Goking.