Dr. Caño gipahalipayan sa Konseho

GIPAHALIPAYAN sa Konseho sa Syudad ubos ni Bise Mayor Bebot Rodriguez si Dr. Gerry J. Caño, Dean sa School of Criminology and Criminal Justice sa PHINMA-Cagayan de Oro College, ning syudad.

Atol sa sesyon niadtong Lunes, hiniusang gisagop ang resolusyon nga nagpahalipay ug nagdayeg kaniya tungod sa pagkapili isip National President sa Philippine Criminologist Association of the Philippines (PCAP).

Nasayran nga tungod sa iyang pagpaningkamot aron maisyu ang Proclamation No. 397, nga nagdeklarar sa matag Nobyembre 3 hangtod 9 sa matag tuig isip Philippine Criminology Profession Week, ug ang pagpahigayon sa 1st Philippine Criminology Profession Summit (1st  PCPS) niadtong Nob. 7-8, 2024 sa Okada Hotel, Manila.

Si Konsehal Suzette Magtajas-Daba, Chairman sa Komite sa Education ug nangamahan sa gisagop nga resolusyon, miingon nga gawas nga naghatag kini og dakong garbo sa dakbayan, makaaghat usab kini sa uban sa naangkong kalamposan.