DPWH gihangyong mapadali pagbayad sa mga naapektohan sa Mega Dike Project dihas Puntod

HUGOT nga gihangyo sa konseho sa syudad nga gidumala ni Bise Mayor Kikang Uy ang kadagkoan sa Department of Public Works and Highways (DPWH) Regional Office 10 nga mapadali ang pagbayad sa just compensation sa mga pamilya dihas District 4, Balacanas, Puntod.

Nasayran nga ang kabtangan sa pipila ka pamilya diha sa nahigsutang dapit naapektohan sa gitukod nga Mega Dike Project sa nasudnong kagamhanan.

Naglaum ang konseho nga mabayaran na ang maong mga pamilya sa dili pa sila marelokar ngadto sa relocation sites alang sa tawhanon niining mga rason.

Nunot niini, ang konseho misagop og resolusyon alang sa maong katuyuan nga gipaluyuhan sa komite sa urban/rural poor and housing development ni Konsehal Edgar Cabanlas ug komite sa pamalaod ug reglamento ubos ni Konsehal Ian Mark Nacaya.