Derby sa Indahag giuyonan sa komite sa games

GIUYONAN sa Komite sa Games and Amusement ubos ni Konsehal Roger Abaday ang hangyo ni Victor Cabeltes, representante sa Indahag Square Garden, nga matugutan pagpahigayon og 3-stag derby diha sa Lumboy, Indahag karung umaabot Nobyembre 22, ning tuig.

Kini human nasayran nga kompleto na sa mga gikinahanglang  dokumento alang sa maong katuyuan ang Indahag Square Garden ug nasunod pud nila ang mga rekisitos ug reglamento nga gimando sa ordinansa sa syudad. 

Sa iyang sulat ngadto sa komitiba, si Cabeltes mibutyag nga ang maong matang sa kalihokan dili lamang magdalag kabibo ug mag-agni sa mga mahiligon sa sabong sa syudad apan makatabang usab kini sa pagpalambo sa ekonomiya ug sa industriya sa turismo sa dakbayan. 

Si Calizo, ang vice chair sa maong komite, mibutyag nga tataw ang hangyo ni Cabeltes ug aduna na usab kani panugot gikan sa barangay.

Nunot niini, giduso sa komite ang maong hangyo ngadto sa City Legal Office alang sa dugang pagtuon ug rekomendasyon.