Demolisyon sa Zone-5 Ilaya Carmen gihangyong malugwayan

SA tinguha nga mapahilona ang molopyo nga maapektahan sa demolisyon diha sa Banaba Street Zone-5 Barangay Carmen ning syudad, ang konseho sa syudad atol sa sesyon niadtong Lunes nga gidumala ni Presiding Officer ProTempore konsehal Romeo Calizo mipasaka og resolosyon nga naghangyo ni Hon. Acting Presiding Judge Anan Candida N. Casino sa Branch 24 Regional Trial Court nga naghanyong malugwayan ang demolisyon sa dapit.

Kini samtang gihikay pa sa opisina sa City Housing and Urban Development Department (CHUDD) ang ilang mga dokumento aron mahatagan sila sa relokasyon sa kagamhang local.

Niini si Konsehal Edgar Cabanlas, chairman sa komite sa Urban and Rural Poor and Housing Development kinsa maoy nangamahan sa maong resolosyon malaumon nga mahatagan kini sa konsiderasyon.