Demolisyon dihas brgy Puntod gihangyong mauktaba

TIPIK sa prayoridad ug programa sa gobyerno lokal nga matabangang mapahilona ang molopyo nga maapektuhan sa demolisyon lakip na ang mga maapektohang molopyo sa barangay Puntod.

Kini human ang konseho sa syudad, sa sesyon niadtong Lunes nga gidumala ni Bise Mayor Jocelyn Bebot Rodriguez, mipasaka sa resolosyon nga naghangyo ni acting presiding judge Mirabeus Undalok sa Branch 21 sa Regional Trial Court - Misamis Oriental, nga malugwayan ang gitakdang demolisyon sa dapit.

Kini sa tuyo nga makapahigayon ang gobyerno lokal pinaagi sa opisina sa City Housing and Urban Development Department (CHUDD) og socio-economic survey sa mga apektadong pamilya aron masuta ang angayan ug kwalipikadong mahatagan sa relokasyon pinaagi sa housing program sa dakbayan.

Niini, si Konsehal Edgar Cabanlas, chairman sa komite sa Urban and Rural Poor and Housing Development, kinsa maoy nangamahan sa maong resolosyon nanghinaot nga mahatagan kini sa konsiderasyon sa korte.