Daling pagpatuman sa mga proyekto alang sa kabatan-onan gilantaw

GILANTAW nga mapadali na ang pagpatuman sa mga programa ug proyekto alang sa

kabatan-onan dinhi sa dakbayan.

Kini human ang Konseho sa syudad ubos ni Bise Mayor Kikang Uy mipalabang sa ordinansa nga naghatag og katungod ni Mayor Oscar Moreno pagpirma sa Memorandum of Understanding (MoU) tali sa Education Development Center (EDC) nga naglangkob sa panagsabot sa paggamit sa office space sa Oro Youth Development Office (OYDO).

Tinguha sa maong kasabotan nga mapadali ang pagpatuman sa mga proyekto tali sa mga kaabag nga ahensya aron mahatagan sa dugang katakos ang kabatan-onan.

Niini, malaumon si Bise Mayor Kikang Uy nga ang padayong kolaborasyon tali sa dakbayan, lain laing ahensya sa gobyerno ug mga pribadong establisamento magdala og dugang kaarangan sa kinabuhi sa kabatan-onan. (SP/RNQuiblat)