Dahino nangusog maresolbar ang giingong mga unclaimed nga Special Cash Ayuda
“We are here to serve the people of Cagayan de Oro,ang gugma og kalooy unta ang maghari."
Kini ang giluwatan nga pamahayag ni Konsehal Edna Marban-Dahino, chairman sa komite sa finance, budget and appropriation sa regular sesyon sa konseho niadtong Lunes nga gidomala ni Bise Mayor Raineir Joaquin V. Uy agig reaksyon sa special report ni Konsehal Lordan G. Suan kabahin sa giingong mga unclaimed nga Special Cash Ayuda.
Matod ni Konsehal Dahino nga dili niya mahanduraw nga sa kalisod sa panahon karon adunay dako kaayo nga kwarta nga dili maplastar.
“Kinahanglan nga buhaton nato ang angayan aron nga matagbaw ang katawhan sa serbisyo labina nga nag-antos sila sa tumang kalisod niining panahon sa pandemya”, pamahayag ni Dahino.
Gipasabot sa konsehala nga ana-a ang mga opisyales sa barangay nga makatabang pag-ila sa mga unclaimed nga ayuda diha sa ilang tagsa-tagsa ka barangay.
Gidugang ni Konsehal Dahino nga dakong kaulawon nga dili kini mahatag ang ayuda ngadto sa katawhan ilabina nga ang pundo niini naggikan sa national nga kagamhanan ug misugyot nga pangitaan kini og solusyon aron maresolbar.
![](https://static.wixstatic.com/media/e778ac_1d11752a1ee24170972922bc0d4661d7~mv2.jpg/v1/fill/w_980,h_653,al_c,q_85,usm_0.66_1.00_0.01,enc_auto/e778ac_1d11752a1ee24170972922bc0d4661d7~mv2.jpg)
コメント