Daghan dapit sa hinterland barangays walay igong transportasyon - Moreno

“DAGHANG dapit sa hinterland barangays ang wala’y igong transportasyon labina panahon sa kagabhion hinungdan  nga bao-bao  ang nalang  ang gasakyan sa mga pasahero.”

Kini ang pamahayag ni Konsehal Imee Moreno atol sa tigom sa Komite sa Public Utilities, Roads and Traffic Management sa miaging semana nga gidumala ni Konsehal Romeo Calizo samtang gituki ang  hangyo sa Lumbia Uptown Operators and Drivers Association (LUMUPTODA)  nga mahatagan sila og permit aron maka-operate ang ilang mga bao-bao.

Mipasabot  si  Moreno  nga adunay hirarkiya sa balaod  nga mao ang national law nga wala gayod nagtugot sa mga bao-bao diha sa national roads apan siya mipasabot nga daghang dapit sa bukirang barangays sama sa Lumbia ug bisan sa Masterson Avenue nga bao-bao ang gasakyan sa katawhan tungod kay wala nama’y laing masakyan panahon sa kagabhion gumikan sa kakulangon  sa public transportation.

Niiini, miapelar si  Konsehal Moreno sa Roads and Traffic Administration (RTA)  nga atimanon na kini nga isyu, una ang paghatag og access para sa katawhan ug ang ikaduha aron matabangan ang mga transport groups.