Daba misuporta sa Project Pagbasa sa kabataan sa CDO

EVERY Kagay-anon must know how to read, so that no Kagay-anon learners are left behind.

Kini ang pamahayag ni Konsehal Suzette Magtajas-Daba, Chairman sa Komite sa Edukasyon, atol sa paglunsad sa programang Project Pagbasa diha sa Pagatpat ug Canitoan Elementary School.

Ang programa nga gimugna sa kagamhanan sa Dakbayan sa Cagayan de Oro gipangulohan sa  buhatan sa CDO City Scholarships Office.

Tumong sa maong programa nga ang  tanang kabataan  makatuon gayud sa pagbasa isip  kabahin sa  programa sa kagamhanan sa pagtunol og de kalidad ug ekselenteng edukasyon  sa matag Kagay-anon.

Gipasalamatan sa konsehal ang CDO City Scholarships Office Head Richel Dahay, mga iskolar sa dakbayan sa Barangay Pagatpat og Canitoan nga boluntaryong nagtudlo sa mga kabataan sa pagbasa ug sa tanang kaabag nga naghatag suporta sa  kalamposan sa maong proyekto.

Niini, si Konsehal Daba hugot nga mipadayag sa iyang suporta sa maong proyekto kay siya nagtoo nga kung ang matag kabataan makabasa walay mabiyaan sa pagkab-ot sa maayong kaugmaon.