Daba misuporta sa Brigada Eskwela 2023

Si Konsehal Suzette Magtajas-Daba, Chairman sa Komite sa Edukasyon, mipadayag sa iyang suporta sa pagpahigayon sa programang Brigada Eskwela 2023 nga nagdala sa tema: Bayan Para sa Matatag na Paaralan.

Ang tinuig nga programa gipasiugdahan sa Department of Education ug gipatuman sa tanang pampublikong tunghaan sa tibuok nasud. Ang usa ka semana nga kalihokan nagsugod niadtong Agosto 14, 2023 agig pangandam sa pag-abli sa tuig tingklase (SY) 2023-2024 sa Agosto 29, 2023.

Niini, si Daba nagpasalamat sa tanang stakeholders, civic groups, non-government organizations (NGOs), mga ginikanan, lokal nga mga negosyante, mga indibidwal, magtutudlo ug mga tinun-an nga boluntaryong naghatag og oras sa pagtabang dinha sa pagpahigayon sa paglimpyo, ug pagmintinar sa mga lawak saringan sa tinguha nga andam na sa oras pag-abli sa klase.