Daba mirekomendar sa in-person orientation sa XU junior high

PABORABLENG girekomendar sa komite sa edukasyon ni Konsehal Suzette Magtajas-Daba ang duha ka adlaw nga face-to-face orientation sa Xavier University Junior High School.

Ang maong face-to-face orientation nagsugod kagahapon ug matapos karong adlawa diha sa Xavier University Sports Center sa Barangay Carmen.

Dako ang kalipay ni Konsehal Daba sa hinay-hinay nga pagpanumbalik sa mga in-person nga kalihokan alang sa mga tinun-an.

Mahinumdoman nga ang konseho sa syudad ubos ni Bise Mayor Bebot Rodriguez misagop sa Resolosyon No. 14230-2022 nga naghatag og katungod sa komite sa edukasyon pagrekomendar sa mga in-person nga kalihokan sa mga tunghaan sa dakbayan sa kondisyon nga masunod ang mga rekisitos ug giya nga gisitar sa kagamhanan ug sa CoVid-19 Task Force.