Daba mipasalamat sa natukod nga dugang lawak saringan sa WCCS

“DUGANG kabataan ang mahatagan sa hamugaway ug de kalidad nga edukasyon.”

Mao kini ang pangagpas ni Konsehal Suzette Magtajas-Daba human gisubhan sa miaging semana ang upat ka andanang edifisyo nga adunay walo ka lawak saringan dinha sa West City Central School (WCCS).

Ang proyekto mibalor og P48 milyones ug hitsas sa pasilidad nga motubag sa kakulangon sa mga lawak saringan dinha sa tunghaan dala sa nagkadaghang enrollees sa tunghaan.

Niini, dako iyang pasalamat sa administrasyon ni Mayor Klarex Uy sa walay puas nga paghatag og prayoridad sa edukasyon ug sa iyang maayong paglantaw nga walay mapihig nga Kagay-anon sa itunol nga mga serbisyo aron makab-ot ang dugang kaarangan sa kinabuhi.