Daba midapit sa tanan pagsaksi sa rhythmic field demo competition

SI Konsehal Suzette Magtajas-Daba, Co-Chair sa Rhythmic Field Demonstration Competition, kusganong  nagdapit sa tanan sa pagsaksi sa rhythmic field demonstration competition 2024 karong umaabot Dominggo, Agosto 25, sa may ala 1:00 ang takna hangtod alas singko sa hapon diha sa Misamis Oriental Integrated Sports Complex.

Kini usa sa mga kalihokan nga gihan-ay pahaum sa kasaulogan sa Higalaay Festival 2024 nga gipasiugdahan sa buhatan sa Department of Education-Division of Cagayan de Oro (DepEd-CdO) ubos ni City Schools Division Superintendent Dr. Roy Angelo E. Gazo, inabagan ni LGU Coordinator for the Rhythmic Dance Competition Dr. Alicia Anghay.

Nasayran nga ang maong kompetisyon salmotan sa mga contingents gikan sa pampublikong tunghaan sa elementarya sa City Central School, West City CS, Bulua CS, South City CS, Kauswagan CS, Macabalan ES, Camaman-an ES, Gusa ES, Tablon ES ug Macanhan ES.