Cultural Communities magtigom karong adlawa

TUKION sa tigom karong alas 9:00 sa buntag diha sa hawanan sa konseho sa Komite sa Cultural Communities ni Konsehal Roberto Cabaring ang sulat ni Datu Mahusay, Tribal Council of  Patulang-on Ancestral Domain nga naghangyo sa mga gamit sa kusina (kitchenwares) nga gamiton panahon sa ilang ritwal nga kalihokan.

Tipik usab sa hisgotan sa komite ang umaabot nga kasaulogan sa Indigenous Peoples Day diha sa Barangay Bayanga, ning syudad.

Niini, gidapit sa komite sa pagtambong sa maong tigom  aron madungog ang ilang mga hunahuna ug opinion sila si City Administrator Atty. Hilario Roy Raagas, OIC City Social Welfare and Development Officer Anecia Tongson, Datu Mahusay ug si Mr Reynaldo Tabios.

Gipaabot usab nga motambong sa tigom sila si Konsehal Jay Pascual, Bernie Esparcia, Malou Gaane, James Judith, II, Edgar Cabanlas, Christian Rustico Achas ug Bise Mayor Rodriguez.