Cultural, athletics activities gipundohan sa Brgy 18 SK

KAPIN sa P102 mil ang gigahin sa Sangguniang Kabataan (SK) sa Barangay No. 18 aron magamit pagpatuman sa ilang cultural ug athletics activities.

Kini ang nasukip sa gisumeteng 2022 Annual Budget sa SK sa barangay nga kasamtangang ubos sa konsiderasyon sa komite sa Sports and Youth Development ni Konsehal John Michael Seno.

Lakip sa gipundohan mao ang pagtul-id ug pagmintinar sa multi-purpose hall ug basketball court, feeding program ug pagpalit og usa ka unit nga aircon alang sa barangay.

Ang budget sa SK sa barangay mobalor og P428.552 ug gilantaw nga makaabag dinha sa pagkab-ot sa dugang kaayohan, kaarangan ug kalamboan sa kabatan-onan sa dapit.