COWD comprehensive report, 5-year development plan gidayeg ni Moreno

GIDAYEG ni  Konsehal Imee Moreno ang  comprehensive report  sa interim manager sa Cagayan de Oro Water District (COWD)  nga ilang giduso ngadto sa Local Water Utilities Administration (LWUA) ug usab ang ilang 5-year development plan.

Kini  ang reaksyon sa konsehal  atol sa miaging tigom sa Komite sa Public Utilities  nga gidumala ni Konsehal Romeo Calizo human si COWD Interim Manager Fermin V. Jarales mipresentar og  updates sa ilang operasyon.

Sumala ni Konsehal Moreno nga dalaygon kaayo kini nga taho tungod kay nakita man sa ilang gihimong imbestigasyon ug sa ilang audit report nga daghang mga isyu nga kinahanlang resolbahon ug importante  nga matumbok  ang problema  aron diretsong masolusyonan.

Gidayeg usab  sa konsehal  ang gipresentar nga plano  kay kini nagpakita nga anaa silay gisugdan nga mga programa. (JRGalano/SP)