Comprehensive Youth Dev’t Plan sa Brgy 8, Bugo konsiderahon

HAYAN mahatagan og dugang kalamboan ang kabatan-onan sa duha ka barangay sa syudad.

Konsiderahon sa komite sa sports & youth development ni konsehal John Michael Seno ang gidusong 6-year Comprehensive Barangay Youth Development Plan (CBYDP) alang sa tuig 2020-2025 sa Sangguniang Kabataan (SK) sa Barangay 8 ug Bugo.

Lakip tun-an sa komite ang tagsa-tagsa ka Annual Barangay Youth Development Investment Plan (ABYIP) sa maong mga barangay.

Ang maong lakang subaysa RA 10742 kon Sangguniang Kabataan Reform Act of 2015 sa tingoha nga magahinan sa gikinahanglang pundo ang kabatan-onan tungod kay nakita ang ilang dakong papel diha sa komunidad.

Sa pakiglambigit sa mga kalihokan sila mamahimong maayong lideres sa umaabot nga mga panahon, pamahayag ni Seno.