Comprehensive Drainage System gisugyot ni Konsehal Emano

SAMTANG suportado ni Konsehal Yvy Emano ang laraw paghinlov sa mga  major waterways, canals ug drainage aron malikayan ang pagbaha panahon nga mobunok ang ulan, iyang gisugyot nga mamugna ang Comprehensive Drainage System alang sa malahutayon nga solusyon sa problema sa pagbaha.

Kini human gituki sa Komite sa Public Works niadtong Mierkoles nga gidumala ni Konsehal Edgar Cabanlas ang laraw sa kagamhanan nga paghinlo sa mga canal ug drainage aron mapangandaman ang pag-abot sa ting-ulan ug nga malikayan ang pagbaha.

Sumala ni Emano nga lakip sa nakasinati sa urban flooding ang mga parti sa Carmen, Lapasan, Kauswagan, Macasandig, Canitoan ug ubang barangays maong angayan nga mamugna ang CDS  alang sa tibuook dakbayan ug unta ipahigayon ang regular declogging ug dissilting aron malimpyo  ug hapsay ang pagdaloy sa  tubig.