College of Nursing sa PHINMA-COC, CU gipahalipayan sa Konseho

HINIUSANG gipadayag sa Konseho sa syudad atol sa sesyon niadtong Lunes nga gidumala ni Bise Mayor Bebot Rodriguez ang ilang mainitong pahalipay  ngadto sa  College of Nursing sa Cagayan de Oro College-PHINMA ug Capitol University.

Kini tungod sa ilang pagbaton sa 100-posyentong passing rate for first-time takers atol sa gipahigayong 2024 Licensure Examination for Nurses di palang dugay.

Gipasabot sa Konseho nga dalaygon ug garbo sa dakbayan ang nakab-ot nga kalampusan sa maong tunghaan ug sa ilang mga nursing students.

Niini, duha ka managlahing resolusyon ang gipalabang  alang sa maong katuyuan nga gipangamahanan sa tanang sakop sa Konseho.