Coastal road gisugyot malakip isip nat’l hi-way

KONSIDERAHON sa konseho sa syudad ubos ni Bise Mayor Bebot Rodriquez ang sulat sa DPWH 2nd District Engineering Office nga nagpadayag sa ilang intention nga ma-convert ang coastal road gikan sa barangay Gusa paingon sa Julio Pacana –Kauswagan Bridge section nga kabahin sa National Highway.

Ang maong dalan adunay gitas-on nga 4.8 kilometro ug gigamit nang alternatibong dalan sa mga motorista ingon man sa mga pampublikong sakyanan sa tinguha nga makunhuran ang kapiot nga dagan sa trapiko dinha sa CM Recto Avenue.

Ang pag-convert sa maong dalan ngadto sa national highway makatabang sa dakbayan ilabina sa pagmintinar sa dalan ug pag-instalar sa gikinahanglang mga suga.

Niini, ang konseho gipaabot nga mopalabang og resolosyon nga maghatag sa ilang panugot sa maong lakang. (SP/JNortiza)