CHUDD, brgy Tablon gihangyo makigsabot sa tag-iya sa lote

GIHANGYO sa komite sa urban and rural poor sa milabayng tigom nga gidumala ni Konsehal Roger Abaday ang City Housing and Urban Development Department (CHUDD) nga tabangan ang mga residente sa Purok 12, barangay Tablon dinha sa pagkigsabot sa tag-iya sa lote nga ilang giokupahan. Sa maong tigom , ang barangay mihangyo nga matabangan ang mga residente nga mahimong onsite relocation ang ilang dapit nga giokupahan sa dili mominus 300 ka pamilya.

Gani, gitukuran na kini sa barangay og baskestball court ang maong dapit , matod sa taga barangay. Hinoon ang representante sa CHUDD mibutyag nga andam ang ilang buhatan pagtabang sa mga residente pagnegotiate sa tag-iya sa lote.

Niini, si Abaday mihangyo sa CHUDD ug barangay Tablon nga tabangan ang mga residente sa pagnegotiate sa tag-iya sa lote ug kon pila man ang presyo ang syudad modeterminar niini kon kaya ba.