CDO modawat na’g aplikasyon alangsa iskolar sa dakbayan sa Marso 15

MAGSUGOD na sa umaabot Marso 15, 2021 ang pagdawat sa buhatan sa Cagayan de Oro City Scholarship sa mga aplikasyon alang sa iskolar sa dakbayan.

Kini ang gipahibalo ni konsehal Suzette Magtajas-Daba, chairman sa komite sa edukasyon, human gitakda sa buhatan ang usa ka bulan nga pag-abli sa online portal alang sa mga gustong makapahimulos sa scholarship program sa dakbayan alang sa pagbukas sa klase ning tuig 2021.

Ang kwalipikasyon sa mga aplikante kinahanglang wala sukad naka-enroll sa kolehiyo human migradwar sa sekondarya, walay igsoon o’ miyembro sa pamilya nga nakapahimulos na sa programa ug molopyo sa dakbayan sa Cagayan de Oro ug uban pa.

Si Suzette midugang nga lakip sa mga kursong prayoridad sa programa mao ang engineering, agriculture, education, information technology, social work, business administration ug psychology.

Tungod sa pandemya ug agig pagsunod sa health protocol standard, isumete sa matag aplikante ang ilang mga dokumento sa http://cityscholar.cagayandeoro.gov.ph:8080/apply-scholar.

Alang sa dugang katin-awan mamahimong motawag sa numero 0929-819-0819 ang mga buot mosumete sa ilang aplikasyon.

Niini, si konsehal Suzette miaghat sa kabataan nga magpahimolos kay talagsaon kini nga programa sa gobyerno nga magdala og dakong kaarangan sa matag kinabuhi.