CDO makaangkon og PDS facility alang sa sanitary landfill

Tukion sa dili madugay sa komite sa environment ni Konsehal Roger Abaday ang hangyo nga mapalabang ang ordinansa nga maghatag og katungod ni Mayor Rolando “Klarex” Uy pagpirma sa gikinahanglang Memoradum of Agreement (MOA) ug Deed of Donation tali sa Department of Environment and Natural Resources (DENR) ug kagamhanan sa dakbayan.

Kini may kalabotan sa Preliminary Disinfection and Storage (PDS) Facility nga gidonar sa DENR-EMB balor P800 mil pabor sa Cagayan de Oro City Sanitary Landfill sa Sitio Baracan, Pagalungan.

Nasayran nga ang pagdonar sa maong fasilidad nunot sa Akta Republika 6969 ug sa tinguha sa ahensya nga makasuporta sa mga LGUs/PLGUs diha sa pagdumala ug implementasyon sa local health care waste management plans and programs.