CCTV camera makatabang pagsolbad sa krimen - Nacaya

HUGOT ang tinguha ni Konsehal Ian Mark Nacaya nga mapatuman ang pag-install sa CCTV cameras sa mga establisamento dinhi sa syudad.

Sa iyang special report atol sa regular sesyon sa konseho nga gidumala ni Bise Mayor Bebot Rodriguez, si Konsehal Nacaya nagkanayon nga adunay sunod-sunod nga kriminalidad sa pagpamoak sa salamin sa mga sakyanan nga na-parking ug pagkuha sa mga gamit sulod niini sama sa bag, pitaka, ug uban pang mahalon nga gamit.

Gipasabot sa konsehal nga dako kaayo og ikatabang ang CCTV karong panahona ilabina sa pagsolbad sa mga kriminalidad nga nahitabo.

Ang maong taho giduso ngadto sa Komite sa Public Safety ni Konsehal Romeo V. Calizo alang sa dugang pagtuon.