Cash incentives sa mga estudyante Macabalan konsiderahon sa Komite sa Barangay Affairs

KONSIDERAHON sa Komite sa Barangay Affairs ubos ni Konsehal Yan Lam Lim ang Ordinance No.06-2024 nga gipalabang sa Barangay Macabalan.

Kini maghatag og cash incentives ug plaque of appreciation alang  niadtong mga estudyante nga mogradwar sa kolehiyo nga adunay  latin honors, topnotchers sa bar o board examination ingon man  sa  mga  atleta nga makasakmit og medalya  sa  prestihiyosong national ug international sports competition .

Sumala pa nga kini  maghatag  og kadasig  sa mga estudyante  sa ilang barangay nga maningkamot aron nga maabot ang taas nga academic ug athletic performance ug nga mapasidunggan sa barangay ang ilang kalamposan  human kini makatapos sa kolehiyo  nga adunay latin honors o nahimong topnotchers sa mga board ug bar examinations.