Camaman-an mihangyo marekolar mga naigo sa Bolonsiri Redev’t project

GIDUSO ni Bise Mayor Kikang Uy ngadto sa komite sa Urban and Rural Poor and Housing Development ni Konsehal Edgar Cabanlas ang resolosyon sa konseho sa Barangay Camaman-an nga naghangyong marelokar ang mga apektadong residente sa kasamtangang gipatumang proyekto ang redevelopment sa City Memorial Park dinha sa Sitio Bolonsori.

Matod sa kapitan sa barangay nga dugay na nga panahon nga nanimuyo sa maong dapit ang mga residente ug dako ang ilang kabalaka nga wala silay kabalhinan panahon nga hingpit nang mapatuman ang proyekto.

Niini, ang komite ni Cabanlas gipaabot nga mopatawag sa tigom aron mahatagan sa katin-awan ang maong hangyo.