Calizo nangusog matabangan mga benepisaryo sa educ’l aid

KINAHANGLANG matabangan ang mga tinun-an o’ pamilyang gusto makapahimulos sa educational financial assistance sa Department of Social Welfare and Development (DSWD).

Mao kini ang panawagan ni Konsehal Romeo Calizo atol sa sesyon sa konseho nga gidumala ni Bise Mayor Bebot Rodriguez human si Konsehal Girlie Balaba misugyot sa pagdapit sa kadagkoan sa rehiyonal nga buhatan sa DSWD aron paghatag og katin-awan sa gipatumang programa.

Matod ni Calizo nga daghan ang gustong maka-avail sa programa apan walay kapasidad nga magrehistro online.

Panahon na nga atong tabangan ang mga benepisaryo sa programa tungod kay daghan ang gusto apan limitado ang kahibalo sa pagrehistro ilabipa nga dili na gadawaton ang mga walk-in, dugang sa konsehal.

Niini, ang konseho gipaabot nga magdapit ni DSWD 10 regional Ramil Jamen pagtambong sa umaabot nga sesyon aron paghatag og katin-awan sa gipatumang programa ug pamangitaan sa saktong lakang nga maka-abag ang kagamhanan sa dakbayan. (SP/JNortiza)