Calizo nangusog makabaton kaugalingong forensic office ang dakbayan

GISUGYOT ni Konsehal Romeo Calizo, chairman sa Komite sa Public Order, nga makabaton ang dakbayan sa Cagayan de Oro sa kaugalingon nga buhatan sa Forensic.

Kini ang unod sa special report sa Konsehal sa sesyon sa konseho niadtong Lunes nga gidumala ni Bise Mayor Bebot Rodriguez.

Sumala ni Calizo nga ang dakbayan sa Gingoog, Iligan, Malaybalay ug Ozamis aduna silay mga Forensic Offices samtang ang dakbayan sa Cagayan de Oro walay kaugalingong buhatan og  nagsalig  lamang kini sa PNP region 10.

Gipasabot  nga ang forensic  usa ka sayentipikong  pamaagi  aron mapadali ang pag-imbestigar sa crime incidents ug dako kinig ikatabang alang sa kasulbaran sa krimen hinungdan nga mihangyo si Konsehal Calizo  nga mapangitaan kinig pundo  aron  makabaton og kaugalingon forensic office kwerpo sa kapolisan sa dinhi sa syudad.