Calizo nagpadayon pagpangitag solusyon sa problema sa terminals

NAGPADAYON ang pagtoon  sa Komite  sa Public Utilities  pagpangitag solusyon  sa problema sa terminal dinhi sa syudad.

Kini  ang gipahibalo  ni Konsehal Romeo Calizo, Chairman sa Komite sa Public Utilities, atol sa sesyon sa Konseho niadtong Lunes nga gidumala ni Bise Mayor Bebot Rodriguez agig reaksyon sa special report ni Konsehal Bernie Esparcia.

Mibutyag  ang konsehal nga  dinhi sa syudad aduna lamang duha ka terminals  nga gidumala sa kagamhanan, kini  ang Westbound sa Bulua ug  ang  Eastbound Terminal  diha sa Gusa nga dili na operational nga  diin ang  mga pasahero didto na gaipasa sa Agora Terminal.

Gipasabot  sa konsehal  nga tungod kay  walay  klaro  kon ang Agora Terminal hingpit bang  gidumala sa syudad o sa pribado,  ang mga transport group napugos sa pagpangita og ilang gihimong terminal  diha sa Gaisano City, Lapasan, Carmen , Cogon ug  ubang dapit .

Sumala usab ni  Konsehal Calizo, magpadayon ang  iyang komite sa pagtuki ug  pagpangitag solusyon  alang sa maong katuyoan.

“It’s a continuing study at the committee level (on) how we can find solutions,” dugang pamahayag ni Konsehal Calizo.