Calizo misugyot iduso una sa komite ang sugyot paghatag og amnestiya

SAMTANG gidayeg ni Konsehal Romeo Calizo, chairman sa Komite sa Public Order, ang sugyot paghatag og amnestiya sa mga delikwenting buhis, iyang gihangyo nga iduso una kini sa tukmang komite aron hingpit nga mahisgutan ang mga detalye niini.

Kini ang reaksyon sa konsehal sa special report ni Konsehal Roger Abaday sa sesyon niadtong Lunes nga gidumala ni Bise Mayor Bebot Rodriguez.

Matod ni Calizo nga looy man ang mga magbubuhis apan ang mahitabo looy usab unya ang koleksyon sa syudad mao nga gikinahanglan nga malingkoran kini ug mahisgotan og maayo.

Gipasabot ni Konsehal Calizo nga kinahangkan mahisubay kini sa insaktong proseso aron malikayan nga magkaproblema.