Calizo mihangyo sa City Vet paghipos sa latagawng iro sulod sa subdivisions

KUN hulatan pang mag-request ang subdivisions, murag layo pa sa kamatuoran ang mahitabo.

Kini ang gibutyag ni Konsehal Romeo Calizo, chairman sa komite sa public order, sa sesyon sa konseho niadtong Lunes nga gidumala ni Bise Mayor Bebot Rodriguez human ang bag-ong gitudlo nga City Veterinarian mibutyag  nga  gahulat lang sila  nga adunay magrequest nga subdivision ayha kini nila maadtoan tungod aduna lay usa ka team ang  ilang City Pound section nga ga-operate sa  80 ka barangay sa syudad.

Sumala sa konsehal nga dili na unta  hulatan pa nga adunay mag-request.

Siya misugyot  nga magbaton   og  sistema  ang ilang buhatan  nga   mopahigayon og profiling sa tanang subdivision  kay daghan  gyod mga latagawng iro.

Hinoon nasabtan  ni Konsehal Calizo  ang sitwasyon apan  unta dili na hulaton nga adunay pay magrequest  ug  ayha na molihok kon aduna nay mapaakan sa mga latagawng iro. (JRGalano/SP)