Calizo gikahingawa operasyon sa POGO sa syudad

SI Konsehal Romeo Calizo, chairman sa Komite sa Public Order and Safety, mibutyag nga dugay nang nabantayan ang operasyon sa POGO dinhi sa syudad apan sa panahon nga magpahigayon sa imbistigasyon ang otoridad dili kini basta-basta mahilabtan tungod kay ang nagunit ug naghatag panugot niini nga operasyon ang nasudnong kagamhanan man og dili ang lokal nga kagamhanan sa syudad.

Kini ang pamahayag ni Konsehal Calizo sa pakighinabi sa mga sakop sa media agig reaksyon mahitungod sa maong isyu.

Sumala ni Calizo nga makatabang sa kinitaan sa gobyerno ang operasyon sa legal nga POGO ug nakita usab niini nga walay hulga sa seguridad sa syudad ang maong matang sa negosyo.

Giklaro usab sa konsehal nga dili maghatag panugot ang gobyerno lokal kung ang maong matang sa operasyon illegal.

Niini malaumon si Calizo nga malamdagan ang katawhan sa syudad kalabot sa isyu sa POGO dinhi sa Dakbayan.