Calizo desidido ipadayon ang pagpangitag solusyon nga malimpyo ang agas sa tubig

DESIDIDO si Konsehal Romeo Calizo, Chairman sa Komite sa Public Utilities,  nga ipadayon  sa  iyang komite ang pagpangitag solusyon sa dugay na kaayong problema sa kalimpyo sa tubig .

Kini ang reaksyon  sa konsehal  sa special report ni Konsehal James Judith  sa sesyon sa konseho niadtong Lunes nga gidumala ni Bise Mayor Bebot Rodriguez  nga matod pa napakyas ang COBI sa pagbutang sa water treatment facility ug tungod niini giingong walay kasiguroan ang kalimpyo sa tubig nga ilang gi-supply ngadto sa Water District.

Matod ni Calizo  nga dugay na  kaayo kini nga problema kay gani katulo na kahigayon  nga nag special report si Konsehal Abaday nga diha sa Barangay Kauswagan, hugaw ug murag tsokolate ang agas sa tubig sa  mga gripo.

 Gipasabot sa konsehal nga mahinungdanon kaayo nga limpyo ang tubig alang sa kaseguroan sa panglawas sa katawhan.

Niini, si Konsehal Calizo uyon nga ipadayon sa komite ang pagpangitag malungtaron nga solusyon  sa maong problema.