Calizo andam mosuporta sa mapiling bag-ong City Police Director

Andam mopaluyo si Konsehal Romeo Calizo, chairman sa Komite sa Police Fire and Public Safety, sa mapili ni City Mayor Rolando Klarex Uy nga bag-ong City Police Director sa syudad hulip ni P/Col. Aaron Mandia nga duha ka tuig na niadtong Hunyo 2 ning tuig nga milingkod isip hepe sa kapolisan sa syudad.

Sumala ni Calizo nga kinahanglan kaayo sa usa ka magdumala sa atong kapolisan nga adunay pagpangulo ug maayong pakigrelasyon dili lamang sa kapulisan, lakip na niini sa katawhan alang sa makanunayong pagpatunhay sa kahusay ug kalinaw sa Dakbayan. Nasayran nga lima ka mga opisyal sa kapolisan ang esumite sa PNP Regional office-10 sa opisina ni Mayor Klarex Uy nga maoy pilian nga mahimong City Police Director.

Niini, malaumon si Konsehal Calizo nga magpadayon ang hugot nga pakigtimbayayong ug panaghiusa sa kapolisan ug sa kagamhanang lokal alang sa kalamboan ug pagmintinar sa kahusay ug kalinaw sa Dakbayan.