Cabaring nagpasalamat sa konseho sa suporta sa IP month celebration

SI Konsehal Datu Roberto Cabaring, chairman sa Komite sa Cultural Communities, kinasingkasing nga nagpasalamat ngadto sa tanang sakop sa konseho sa panguna ni Bise Mayor Bebot Rodriguez atol sa sesyon niadtong Lunes sa nakuhang dakong pagsuporta sa konseho alang sa ilang umaabot nga Indigenous Peoples Month Celebration ug Thanksgiving Day karong Oktubre 24, ning tuig.

Giaghat usab ni Cabaring ang katawhan sa dakbayan sa pagsalmot sa maong selebrasyon ug sa pagsaksi sa ilang giandam nga mga kalihokan dala ang pagpasigarbo sa mga talento ug mapasundayag ang matag kultura, tradisyon ug hiyas sa mga Lumad.

Niini naglaum si Cabaring sa mabulokon ug malinawon nga kasaulogan alang kanilang mga lumad sa dakbayan.