Cabanlas: solosyonan ang problema sa adunay diperensya sa panghunahuna
![](https://static.wixstatic.com/media/e778ac_f748a2bc909f41a09ab14c414a77c949~mv2.jpg/v1/fill/w_980,h_653,al_c,q_85,usm_0.66_1.00_0.01,enc_auto/e778ac_f748a2bc909f41a09ab14c414a77c949~mv2.jpg)
![](https://static.wixstatic.com/media/e778ac_99dcfbd365bb43a9af9692d35e090272~mv2.jpg/v1/fill/w_980,h_653,al_c,q_85,usm_0.66_1.00_0.01,enc_auto/e778ac_99dcfbd365bb43a9af9692d35e090272~mv2.jpg)
ANGAYAN nga hatagan og permanente nga programa aron adunay solosyon ang mga tawo nga adunay diperensya sa pangisip nga wala nay mga sapot sa kalawasan nga naglatagaw sa kadalanan ingon man ang mga hamtong nga biniya-an ug gipasagdan nasa ilang mga pamilya.
Kini ang unod sa special report ni Konsehal Edgar Cabanlas, Chairman sa Komite sa Urban and Rural Poor and Housing Development atol sa sesyon niadtong Lunes nga gidumala ni Bise Mayor Bebot Rodriguez.
Sumala ni Konsehal Cabanlas nga dili lang kini karon lang nga panghitabo maong dili pwede nga magpadayon kini kay ngil-ad kaayo nga talan-awon sa kadaghanan ilabe na sa kabataan ug mga bisita.
Makahatag kini og dili maayong dungog sa syudad labina nga naila kita nga matinabangon nga dakbayan, pasabot ni Konsehal Cabanlas.
Dugang pa niini, adunay mga impormasyon nga nadawat ang Konsehal nga ang uban niini gikan sa lain-lain mga dapit ug gipasakay lang sa bus ug dinhi nakapaingon sa atong syudad ug sa tinguha nga mahunong kini nga panghitabo iyang gisugyot nga mahatagan kini sa permanenteng programa ug solosyon sa gobyerno aron mapahilona sila.
Niini, ang maong taho ni Konsehal Cabanlas giduso sa Komite sa Social Services ni Konsehal Girlie Balaba ug sa Komite sa Panglawas ni Konsehal Malou Gaane alang sa dugang pagtuon ug tukmang aksyon.
Comments